Со грант од ЕУ вреден 324.766 евра, Куманово и Гњилане ќе ги модернизираат пазарите.
Градоначалниците на општините, Максим Димитриевски и Љутфи Xазири, денеска во Куманово го потпишаа проектот во присуство на администрацијата и надлежните на јавните претпријатија одговорни за пазарите. Преку проектот се очекува да се модернизира пазарот во Куманово, второто и третото ниво, а ќе се изврши и реконструкција на кровот, да се подобрат локациите за продажба, како и да се брендираат одредени производи.
– Ова е почеток, нема да застанеме тука. Граѓаните на двете општини ќе имаат бенефит од овој проект, бидејќи пазарите ќе се модернизираат, изјави Димитриевски.