Кандидатот за градоначалник на Куманово од СДСМ, Зоран Дамјановски денес се сретна со пазарџиите на сточниот пазар во с.Долно Којнаре и малиот зелен пазар на „Октомвриска револуција“, при што им вети дека во иднина ќе добијат помодерни тезги.
-Ова е место каде се случува продажба на добиток, она што е приватно производство на нашите сограѓани. На мое жалење овој пазар има долга традиција, меѓутоа не успеавме уште да ги подобриме условите.
– Нашата агенда за наредните години, за нареден мандат е овде да се урбанизира просторот, да го осовремениме, да направиме еден дел каде ќе има магацински простор, простор можеби за чување на прехранбени продукти и за пакување. За нешто што е лесна индустрија каде што населението ќе има свое вработување.
– Се надевам дека ова е уште еден придонес во економската програма на мене како иден градоначалник, и мислам дека на таков начин ќе ја подобриме хигиенско-санитарната состојба во овој дел – истакна Дамјановски.
Елена Георгиевска