Кумановка измамена за 6.000 денари за набавка на огревни дрва

Од:

Седумдесет и двегодишна кумановка пријавила во полицијата дека била измамена за 6.000 денари за набавка на огревни дрва, информираше денеска СВР Куманово.

-Вчера во СВР Куманово, 72-годишна жена од Куманово пријавила дека била измамена од едно лица за сума од 6.000 денари. Според пријавеното, лицето ѝ понудило огревни дрва и откако се договориле и таа му ги дала парите, тоа ѝ кажало дека дрвата ќе ги донесе од складот во кој наводно се наоѓаат, но не се вратило, по што сфатила дека е измамена, соопшти СВР Куманово.

Полицијата презема мерки за расчистување на случајот.

Во јануари, годинава беа пријавени два случаи на измами со огревни дрва, првиот повозрасен кумановец за сума од 3.000 денари и вториот случај, кумановка за 5.000 денари.

Во 2023 година на подрачјето на СВР Куманово биле регистрирани вкупно седум измами за дрва, а во 2022 година 15 пријави за измами со огревни дрва. СВР Куманово презема мерки и активности за пронаоѓање и санкционирање на сторителите на овие измами.

-Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192, велат од СВР Куманово.

Би можело да ве интересира

Лишен од слобода “бајач” од скопско, измамил брачен пар од Берово за 400.000 евра

Битолчанец платил 22.500 евра за да му се вработи синот во МВР

Нова измама во Скопје: Лажен лекар од жена зема 30.000 евра

Горан Наумовски

Лажен доктор од скопјанка зема 20.000 евра, полицијата трага по измамникот

Измамници излажале 25 земјоделци, ги оштетиле за повеќе од 140.000 евра

Измамник излажа скопјанка и ја олесни за 1.800 евра