Кумановец осомничен за поседување марихуана и психотропни супстанции

Од:

Основното јавно обвинителство Куманово донесе Наредба за спроведување истражна постапка против 22-годишен кумановец за кого постои основано сомнение дека сторил кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик, извести Обвинителството.

„Осомничениот, на три различни локации во Куманово, неовластено заради продажба држел наркотична дрога – марихуана, како и психотропни супстанци метамфетамин и амфетамин. Во две куќи на улицата „Ѓорче Петров“ во Куманово кои ги користел и во гаража во селото Тромеѓа, полицијата пронашла вкупно 856,6 грама марихуана во различни пакувања, семки од растението канабис, 0,48 грама амфетамин, три таблети метафетамин, мешавина оо кофеин и парацетамол, дигитални ваги и други предмети со траги од наркотична дрога“, соопшти Обвинителството.

Бидејќи постои опасност осомничениот да се даде во бегство или да го повтори делото, надлежниот јавен обвинител до судијата на претходна постапка од Основниот суд во Куманово достави предлог за определување мерка притвор кон осомниченото лице​.

Би можело да ве интересира

Обвинителството денес започна истрага за опожарената фабрика во Виница

Договорена динамика за увид во документацијата за наводите за незаконско прислушување

Обвинителството најави дека детално ќе ги испита наводите за незаконско следење на комуникациите

После локалните избори, треба една сериозна робусна акција да се направи во судството и обвинителството, вели Мицкоски

Горан Наумовски

По реакцијата на Ивановска, дадена и е можност исказот во Обвинителство да го даде по изборите

Обвинителство: Протеран е германски државјанин кој предизвикал инцидент непосредно пред фудбалскиот натпревар помеѓу ФК „Шкендија“ и ФК „Карабаг“

Горан Наумовски