Младите кумановчани со петиција на интернет бараат градот да добие пристојна автобуска станица. За еден ден успеале да соберат стотина потписи, а крајната цел е со 12.000 потписи предлогот да го достават до Советот на Општина Куманово. Иницијативата е на Ивана Јордановска, кој вели дека целта е да се поттикнат граѓаните да делуваат.
„Автобуската станица во Куманово е во фаза на распаѓање! Наместо да се трудиме да оставиме што подобар впечаток на нашите посетители, ние ги пречекуваме во распадната, дисфункционална станица, вистинско легло на болести, зарази, болви и бактерии. Новата автобуска станица би придонела кон подобар автобуски превоз во и од Куманово, зголемен број на посетители но пред се би придонела кон подобро, посовремено и поевропско Куманово“, стои во петицијата на Јордановска поставена на интернет.