На Градскиот плоштад во Куманово денес членови на Координативното тело за заштита на интелектуална сопственост, поставија инфо-штанд на кој граѓаните имаа можност да се информираат за различни фалсификувани производи.
-На овој начин тргнавме низ Македонија, да се бориме против фалсификатите. Сметаме дека е потребно да се подигне свеста кај народот, бидејќи навистина се големи загубите по националните економии, во делот на неплаќање даноци, а средставата може да се користат и во различни девијации-изјави претседателот на КТИС, Мите Костов.
Тој додаде дека со нивните активности сакаат да покажат дека фалсификатите може да предизвикаат големи загуби кај човекот.
-Се се прави со цел да се подигне свеста кај граѓаните да користат оригинали и да бидат здрави. Веќе можеме да кажеме дека сме лидери во регионот во делот на заштита на интелектуалната сопственост-додаде Костов.
КТИС денес во Куманово посетија десет правни субјекти, како здравствени ординации, адвокати и геодези и кај сите забележаа леагални софтвери. Само кај две од четири приватни субјекти, се регистрирани повреди на индустриска сопственост. Од нив се одземени познати брендови, а против истите ќе бидат поднесени соодветни пријави.
Претседателот на Координативното тело за заштита на интелектуална сопственост ги повика граѓаните во иднина сами да пријавуваат вакви злоупотреби.
Елена Георгиевска