Во просториите на СВР Куманово денеска се одржа редовна крводарителска акција која ја организира кумановската полиција, отсекот за превенција од СВР Куманово, Институтот за трансфузиона медицина од Скопје и општинската организација на Црвениот Крст Куманово.
Од почетокот на акцијата во 9 часот беа дарувани 50. крвни единици, но според очекувањата на надлежните од отесекот за превенција до крајот на акцијата која завршува во 15 часот се очекува бројот на крводарувања да достигне до 70.
– Акцијата е успешна. Голем број припадници на полицијата се јавија да даруваат крв на оваа крводарителска акција, изјави доктор Дритон Биљали од Институт за трансфузиона медицина стационар Куманово.
Оваа е прва крводарителска акција која се одржува во тековната година на која учествуваат припадниците на секторот за внатрешни работи Куманово. СВР Куманово, традиционално организира три крводарителски акции во една година, во февруари, јуни и октомври. Крводарителските акции се реализираат согласно потпишаниот Меморандум за соработка помеѓу МВР и Институтот за трансфузиона медицина Скопје.