Под мотото “И твојата крв може да те спаси нечиј живот”, денес во просториите на Општина Гостивар се одржа крводарителска акција. Акцијата беше организирана по повод 8 Април – Меѓународен ден на Ромите, а беше поддржана и од Општина Гостивар.
“Ова е прва крводарителна акција во Македонија и пошироко, организирана на Меѓународниот ден на Ромите. Покрај хуманиот аспект за да се спасат човечки животи, преку оваа акција ние Ромите имаме за цел да покажеме дека и ние сме дел од ова општество и сакаме да бидеме рамноправни со сите други, но, исто така, и да дадеме придонес за општеството. Оваа акција е само една од многуте активности на агендата овогодинешното одбележување на нашиот празник, 8-ми Април”, истакна Бари Абдули, службеник во Општина Гостивар.
На денешната акција, крв даруваа и општински администратори, меѓу кои и Сеад Ејупи – шеф на кабинетот на градоначалникот Арбен Таравари.