Во рамки на одбележувањето на националниот празник на македонскиот народ и Денот на општина Илинден – 2 Август, денеска 45 крводарители даруваа крв.
Според организаторот на крводарителската акција, Црвениот крст на Република Македонија, ова е една од досега поуспешните крводарителски акции во општина Илинден поради тоа што се одржува во летниот период кога поголемиот дел од граѓаните се на годишни одмори.
– И овојпат граѓаните на општина Илинден ја покажаа хуманоста и солидарноста преку дарувањето крв за да спасат нечиј живот. Крвта е незаменлив лек, а секоја дадена капка од оваа драгоцена течност некому многу му значи, посочија вработените од Црвениот крст на Република Македонија.