Двајца браќа од селото Сенокосе, Гостиварско, утрово, околу 4 часот биле најдени во бесосознание и со повреди на главите покрај канал за наводновување. По укажаната прва помош во гостиварската болница, К.А. и Н.А. се префрлени на Ургентниот центар во Скопје.
Според првичните сознанија на МВР, лицата облеани во крв и несвесна состојба, на локалниот пат Неготино Полошко – Сенокосе ги пронашол осумнаесетгодишник од селото Неготино Полошко, по што го пријавил случајот. Екипа на полициската станица Гостивар, извршила увид и трага по напаѓачите чиј идентитет не познат.
Најверојатно, браќата претходно имале расправија со други две лица околу наводновување на нивите, а според нефицијални извори, напаѓачите по тепачката побегнале со возило во непознат правец.