Дебарското одделение за внатрешни работи против Е.С.(20) од Дебар и правно лице со седиште во градот поднесе кривични пријави за злоупотреба на службена положба и овластување и непостапување според здравствени прописи за врема на епидемија, информираше Стефан Димоски, портпарол на Секторот за внатрешни работи од Охрид.
Според него при контрола извршена на 9-ти минатиот месец полициски службеници и овластени лица од Државниот пазарен инспекторат констатирале дека Е.С. како одговорно лице свесно дозволил работа на објект за угостителска дејност после 18 часот, каде биле затекнати осум гости.
-Исто така таблата со натпис на фирмата, неовластено била преместена и поставена на различна локација од постојната, внесена во Централниот регистар. Со тоа, постапиле спротивно на одлуките, одредбите, безбедносните протоколи и превентивните препораки за работа на угостителските објекти и другите мерки за заштита на населението од заразната болест Ковид -19, додаде Димоски.
Повикувајќи се на статистичките податоци во изминатото деноноќие, на подрачјето на ОВР – Дебар полциските службеници констатирале осум прекршоци за неносење лична заштита на лицето,за што се здадени прекршочни платни налози.
