СВР Скопје поднесе кривична пријава против Ф.Н.(30), уличен дилер на хероин и марихуана, поради основано сомневање дека сторил кривично дело „неовластено производство и пуштање во промет наркотични дроги, психотропни супстанци и прекурсори“.
Ф.Н. кој бил приведен од Единицата за недозволена трговија, не дал појаснување за пронајдената дрога и дигитална вага, како и за тоа, од кого и од каде е пронајдената дрога.
Кај Ф.Н. се пронајдени 88,82 грама хероин, 23,81 грам марихуана и 5,8 грама парацетамол со кофеин. Дрогата што ја набавил, ја однел дома каде, во зависност од побарувачката ја препакувал во помали количини (полиетиленски и хартиени пакувања) и ја препродавал на уживатели од Скопје.
Во обид да се ослободат од дрогата, Ф.Н. и неговата сопруга ја фрлиле во дворот на соседите, но биле видени од полициски службеници. И во кровната конструкција на куќата е пронајдено хартиено пакување со растителна материја, како и една дробилка за марихуана, а во домот на негов роднина, кој живее во непосредна близина е пронајдена една дигитална вага, на која имало остатоци од хероин и марихуана.
Покрај тоа што е кривично пријавуван за недозволена трговија со хероин, против Ф.Н. се поднесени и две кривични пријави за извршени две разбојништва и една кривична пријава за недозволено изработување, држење и тргување со оружје или распрскувачки материи“.