Кривична пријава како осмничен дека сторил „убиство во обид“ за Д.А(26) од Тетово и друга кривична пријава за Е.Ј.(35) и И.И.(39), исто така од Тетово, како осомничени за „предизвикување општа опасност“ поднесе тетовската полиција откако ги расчити двата поврзани инциденти што во вторникот на 31 март се случиле во близина на Градскиот стадион, информираше денеска портпаролот на СВР Тетово, Марјан Јосифовски.
Првопријавениот Д.А., појасни Јосифовски, се сомничи од полицијата дека во вторникот околу 19 часот и 40 минути во непосредна близина на градскиот стадион во Тетово со пиштол „Бул шероке М 5“, калибар 45 милиметри, што го поседувал со дозвола, испукал неколку куршуми кон возило „Ауди“ во кое се наоѓал Е.Ј. и уште едно лице, од кои три завршиле во возилото и причиниле оштетувања на истото.
Второпријавениот Е.Ј. и третопријавениот И.И десетина минути пред овој вооружен инцидент на кружниот тек во близина на стадионот во Тетово со возила „Ауди“ и „Фолкваген лупо“ со тетовски таблици го следеле, пресретнале и му го попречиле патот на Ш.А.( 51 ), татко на Д.А., и му причиниле оштетување во предниот дел на неговото возило „БМВ“ но тој успеал да сврти и да се оддалечи од местото.