СВР-Битола во Основното јавно обвинителство-Битола поднесе кривична пријава против Р.Д.Б.(47) од Куманово, затвореник во КПД Идризово, заради постоење основи на сомнение дека пријавениот сторил кривично дело „злоупотреба на безвизниот режим со државите членки на Европската унија и Шенгенскиот договор“.
Пријавениот Р.Д.Б. пред околу две години пренел шест лица од едно семејство од Битола во СР Германија, земја членка на Европската унија и Шенгенскиот договор, заради стекнување на социјални и економски права, спротивно на правото на Европската унија, на прописите на државите членки на Европската унија и Шенгенскиот договор и на меѓународото право.
Споменатите лица пријавениот ги пренел во СР Германија за сума од 104.550 денари, информираат од СВР-Битола.