СВР Штип до Основното јавно обвинителство Штип поднесе кривична пријава против А.М. (24) од Штип, поради постоење основи на сомнение дека сторил кривично дело „разбојничка кражба“, две кривични дела „тешка кражба“ и едно кривично дело „кражба“.
Пријавениот, како што соопшти МВР, кривичните дела ги сторил во периодот од 19 јануари до 6 февруари 2021 на подрачјето на Штип, насилно влегувајќи во куќи и патнички возила, од каде одзел најразлични предмети.
Во текот на 2020 година од страна на СВР Штип до ОЈО Штип, против А.М. се поднесени девет кривични пријави за кривично дело „тешка кражба“ и една кривична пријава за кривично дело „кражба“.
Од страна на судија на претходна постапка на А.М. му е одредена мерка притвор.
