Полициската станица од Струга поднесе кривична пријава против Џ.Д.(69) и Л.М.(40) од струшкото село Радолишта осомничени за сторено кривично дело „оштетување туѓи предмети”.
Пријавените го извршиле оштетувањето на 12 декември 2016 година на се уште неистражено место кое е составен дел од ранохристијанската базилика во струшкото село Радолишта, кое е прогласен споменик на културата и заведен во Централен регистар на споменици на културата на Република Македонија под надлежност на Завој и музеј на град Охрид.
Како што соопшти МВР, оштетувањето на местото во состав на базиликата било направено кога пријавените вршеле ископ со механизација за тампонирање на постојниот локален пат од селото Радолишта до магистралниот пат Струга – Ќафасан. Со ископот неовластено бил опфатен се уште неистражениот дел кој се наоѓал северно од ранохристијанска базилика.