СВР Охрид поднесе кривична пријава против А.Р.(31) ,Е.З.(30) двајцата од Охрид, Ф.К.(27) од струшкото село Делогожда, А.Х.(21) и Б.И.(24), двајцата од село Велешта, Струшко. поради постоење основи на сомнение за сторено кривично дело „Неовластено производство и пуштање во промет на опојни дроги и психотропни супстанци и прекурсори“.
Како што соопшти МВР, по предходно преземени мерки од страна на полициските службеници на ул.„Васил Стефкоски“ затекнати се пријавените при купопродажба на опојна дрога марихуана. При тоа пронајдена е најлонска ќеса облепена со самолеплива лента со опојна дрога марихуана во вкупна нето тежина од 994 грама и едно целофанското пакување со нето маса од 0,64 g. марихуана. Во моментот кога ги забележале полициските инспектори, пријавените се обиделе да избегаат со возило но биле спречени во намерата. По извршен преглед, во близина на местото на настанот пронајдена е најлонска ќеса и целофанска паковка со марихуана .
При извршен претрес во домот на Ф.К. од селото Делогожда, пронајдени се околу 100 семки што потекнуваат од растението канабис.
Опојната дрога марихуана во нето тежина од 994 грама, пријавените А.Р.(31) и Е.З.(30) за сума од 550 евра требало да им ја продадат на Ф.К.(27) и А.Х.(21).
