Кривична пријава поради основано сомнение за сторено кривично дело „насилство“ е поднесена против тројца 15-годишни момчиња и едно 14-годишно момче од скопското село Арачиново.
Тие се осомничени дека на 29 септември минатата година околу 12 часот во населбата Автокоманда физички нападнале 17-годишно момче од селото Визбегово. Го удирале со раце и нозе по телото и главата, при што му нанеле тешка телесна повреда, а предизвикале чувство на страв и несигурност кај 15 – годишно момче од Визбегово и други учесници кои исплашени за нивната сигурност побегнале од местото на настанот.