Кривичен ја објави пресудата за претходното кривично дело на осомничениот кој ја прегази Фросина

Од:

Основниот кривичен суд Скопје, ја објави пресудата за неовластено производство и пуштање во промет на наркотични дроги, против обвинетиот Васил Јованов од Скопје, кој, исто така, е осомничен за сообраќајната несреќа во која завчера животот го загуби 22-годишната Фросина Кулакова.

Како што стои во пресудата, по одржаната главна расправа, која започнала на 24 јули 2024 година и завршила на 31 јули 2024 година, судот во состав на судијата Даниела Алексовска-Стојановска и судиите поротници Весна Цветкоска и Милисав Таневски, го прогласиле обвинетиот за виновен и му изрекле воспитна мерка – упатување во воспитно-поправен дом.

Јованов претходно бил пријавуван и за друга сообраќајна незгода од 4 ноември 2022 година, во која едно лице се здобило со полесни повреди.

Во Скопје денеска стотици граѓани се собраа на булеварот „Партизански одреди“ во Скопје на протест, барајќи правда за трагичната смрт на младата Фросина, која беше прегазена додека поминувала пешачки премин во близина на пекарата „Силбо“. Граѓаните продолжија да маршираат кон Собранието, а потоа кон Кривичниот суд.

Протест во моментов има во родниот град на Фросина, Неготино, а за в недела е најавен протест и во Кавадарци.

Би можело да ве интересира

Протест во Неготино: Граѓаните бараат правда за Фросина

Таткото на Фросина: Немаат вистинско каење, и после девет дена не изразија сочувство

Горан Наумовски

Единаесет килограми опиум пронајдени во Велес, истрага за недозволена трговија со дрога

Сите дојави за бомби во училиштата се лажни

Васил Јованов осуден на три години и десет месеци затвор за претходното дело за наркотични дроги

Предраг Петровиќ

Двајца повредени во судар на автомобил и камион на патот Велес-Градско