Кратово со нов колекторски и канализациски систем со европски пари

Од:

Колекторски и канализациски систем во должина од два километра ќе биде изграден во Кратово за една година.

Премиерот Никола Груевски придружуван од министерот за транспорт и врски Миле Јанакиески и кратовскиот градоначалник Мите Андоновски денеска ги посети локациите каде се вршат активностите за изградба на колекторскиот и канализацискиот систем.

Вкупната инвестиција за проектот што се спроведува со финансии од Европската инвестициска банка, изнесува 69 милиони денари.

– Со години наназад не е реализирано толку значајна инвестиција за општина Кратово. Со изградбата на системот во должина од два километра ќе се реши целосно проблемот со канализацијата во Кратово и ќе се уреди речното корито – изјави министерот Јанакиески.

Проектот се реализира во две фази. Изградбата на двата километра од системот се продолжение на веќе изградените 1,5 километри во првата фаза. Со профункционирањето на системот треба целосно да се надмине проблемот на куќите од ниската зона во градот кои се под нивото на постоечкиот канализациски систем. Тие куќи ќе бидат вклучени во новиот колекторски цевковод.

Првата фаза е реализирана со финансии од Министерството за транспорт и врски во износ од 12 милиони денари во периодот од 2008 до 2009 година.

Како дел од втората фаза досега се уредени градилиштата и е пренесена трасата од канализациската мрежа и заштитната бетонска конструкција од план на терен со геодетско снимање, извршен е ископ на земја на лентовидни темели во должина од 70 метри, поставена е и потребната арматура и е извршено бетонирање на темелите на таа должина. Армиран е и бетонскиот заштитен ѕид и е почнато ѕидањето на заштитниот ѕид со травертински камен. Изведувач на активностите за изградба за колекторско канализацискиот систем е компанијата ТРАНСМЕТ ДОО.

Би можело да ве интересира

Педофил од Кратово силувал девојче од Пробиштип

А1он

Нападнати три лица од Кратово во казино во Крива Паланка

А1он

Хелсиншки комитет: Бараме одговорност за крајната небрежност на институциите во кратовскиот случај

Пендаровски: Армијата не добила барање за помош за спасувачката акција во Кратовско

Катерина Ѓуровски

Четири прекршувања на полициски час во Крива Паланка и Кратово

А1он

Казни од по 1.000 евра за тројца кумановци и четворица кратовци кои го прекршиле полицискиот час

А1он