Кратки инспиративни приказни за образование и писменост

Од:

Професори, родители и ученици денеска одбележаа четири години од спроведувањето на проектот „Со читање до лидерство“. Дел од наставниците одржаа презентации за образование и писменост на второто издание на „Speech4Teach – инспирација за едукација“, штос е одржа во МКЦ.

Директорката на Фондацијата за образовни и културни иницијативи „Чекор по чекор“-Македонија и раководител на проектот на УСАИД „Со читање до лидерство“ Сузана Киранџиска истакна дека сакаат да создадат култура за учење меѓу самите наставници за, како што рече, да можат тие постоајно да зборуваат и да ја унапредуваат својата пракса. Во рамки на проектот се објавени повеќе од 20 сликовници на македонски и албански, а оваа година и на турски и на босански јазик. Потенцира дека кај децата треба да се всади љубовта кон книгата и дневно да се чита барем 20 минути.

Весела Богдановиќ, одделенскиот наставник во ОУ „Кочо Рацин“ во село Ивањевци, општина Могила, која е вклучена во проектот „Со читање до лидерство“ истакна дека ги применува техниките и методите научени од обуките. – Македонскиот јазик, читањето и математиката стануваат игра, природен начин за учење на дечињата, рече Богдановиќ. Според неа, редовната програма може да биде бајка ако едукатор знае како да ги подготви и да ги реализира часовите на начин кој одговара на природата на децата. Додаде дека проектот се однесува за деца од прво до трето одделение, а во него се вклучени сите училишта од Македонија.

Претставникот на УСАИД во Македонија Дејвид Атебери потенцира дека образованието и писменоста се важни доколку сакаме да градиме општества кои се одржливи и во кои се цени знаењето и учењето.

Би можело да ве интересира

МОН: Поради голем интерес до 25 декември може да се аплицира за финансиска поддршка за учениците

Осум важни достигнувања за осум години: Иновации на Бреинстер што го менуваат образованието

Горан Наумовски

Септемвриските плати во основното и средното образование ќе бидат повисоки за 15 oтсто

МОН ветува – ниту еден наставник нема да биде отпуштен, ниту ќе добива помала плата

А1он

Егзодус во Прилеп: 300 деца отпишани од училиште за шест месеци поради селење во странство

Катерина Ѓуровски

Усписите на ученици во средно образование во две пријавувања во јуни

Ана Ололовска