Крајслерите на полицијата ќе ги возат таксисти откако во МВР ќе пристигнат новите полициски возила марка Шкода Јети.
Според весникот Дневник најверојатно старите полициски возила од страна на полицијата ќе се најдат на продажба.
Крајслерите трошат многу гориво, меѓутоа само кога се користат од полицијата. Според експертите возилата освен при патролирање, многу гориво трошат и додека стојат, причината е затоа што со работењето тие овозможат греење и ладење во зависност од временските услови.
Доколку на крајслерите им се вградуваат плински уреди, според Дневник, возилото може да стане одлично такси возило.
МВР веќе ги продаде и старите комбиња, популарно наречени марици, извори на Дневник велат дека нив сега најчесто ги возат молерите.