Ковачки: Кога криминалците го чувствуваат МВР за свој дом, се краде оружје и муниција за цела единица

Од:

Оливер Спасовски два дена молчи во врска со кражбата на оружје и муниција од магацинот на СВР Охрид.Ограбена е полициска станица, а власта се однесува како ништо да не се случило рече на прес конференција пратеникот на ВМРО-ДПМНЕ Драган Ковачки.

– Според информациите кои ги објавија медиумите, но и според наши сознанија не се работи само за кражба на оружје и муниција за автоматско оружје, туку и за бомби и гранати, а за кои во МВР немаат точна евиденција. МВР не знае што точно и во колкава количина е украдено.Објектот на магацинот се наоѓа во кругот на поранешната касарна Михајло Апостолски во Охрид, а сега е во сопственост на полицијата. Магацинот има обезбедување и е во круг на повеќе полициски објекти, а непосредно спроти истиот е канцеларијата на началникот на РЦ Запад вели Ковачки.

Според него се извлекува заклучок дека крадците или се поголема организирана група која е голема опасност за мирот на државата или се во договор со Оливер Спасовски

– Украдена е муниција доволна за вооружување на цела единица. Тоа не е оружје или муниција кое може да се користи во лов или за било какви рекреативни цели, туку станува збор за автоматско оружје, муниција, бомби и гранати кои се користат исклучиво за боеви дејствија. Кога полицијата и криминалците се едно, епилогот е кражба на оружје од полициски магацин и предизвикување на несигурност кај населението. Спасовски или е целосно неспособен да го обезбедува имотот на МВР или е во целосна коалиција со криминалот и ги прикрива извршителите. Ова се случило кога криминалците ќе го чувствуваат МВР за свој дом рече Ковачки.

Би можело да ве интересира

СДСМ: Сите лаги на ВМРО-ДПМНЕ потонаа, толку ниско паднаа што немаат образ ниту да се извинат

А1он

(ВИДЕО) Ковачки: Ковачевски и Османи шест месеци го преговарале последниот предлог со кој се бугаризира Македонија

Стоилковски: Спасовски да одговори дали за пукачот од Чаир имало потерница за затвор

Ковачки: Ковачевски и СДСМ со молкот ја превзедоа вината, срамот и одговорноста од поведението на Џафери

Ковачки: Изјавата на Петков потврдува дека Ковачевски прифатил сите бугарски барања да бидат дел од рамката за ЕУ

Ковачки: Скандалите на Спасовски во МВР никако да запрат, кој треба да профитира од украденото масло од марихуана