Во врска со бегството на затвореникот, а како потврда дека системот е целосно распаднат и дека Македонија нема институции, споделуваме со јавноста дека попладнето во затворот работел “доктор” кој е осуденик и кој издржува казна затвор и внимавајте – истиот нема никаква врска со медицина. Ниту средно медицинско нема вели објави пратеникот на ВМРО-ДПМНЕ Драган Ковачки.
– Значи, “доктор” затвореник дал налог да се носи друг затвореник во болница. Во племенски заедници има подобра организација на власт. Ова не е власт, ова е најтешка форма на клептократија. Малку е еден тим за корупција од САД да ни дојде. На Македонија и’ е потребен генерален ремонт. Или ќе расчистиме со бандитите во власта и во институциите, или за кратко време ќе немаме држава вели Ковачки во објава на социјалните мрежи