Власта и опозицијата и денеска ќе ги кршат копјата околу тоа заслужува ли Првиот претседател на независна Македонија, Киро Глигоров, награда, која ќе го носи неговото име, и која би се доделувала на 8-ми септември.
Опозицијата, која е предлагач на законот смета дека се големи политичките вредности на Киро Глигоров.
„Во ковањето на македонската државност, има три меѓници, Илинден 1903, антифашистичката борба и АСНОМ и 8-ми септември. Не Аминта III, не Букефал, туку ова се исторски меѓници, a во две, Глигоров беше активен учесник. Во секој ден од неговиот живот провејува Македонија и слободарскиот дух“, рече опозицијата.
„Терминот Македонија е антички термин. Оваа наша држава не се вика брсјачка република, туку античка Македонија, тврди мнозинството. Не ја спорат улогата и значењето на Глигоров, но треба да го мине сето ова тестот на времето и историјата.
Во салата цело време беше тензично и со меѓусебни кавги и навреди, а во еден момент, потпретседателката на Собранието, Светлана Јакимовска, кадар на ВМРО-ДПМНЕ и го исклучи микрофонот на Силвана Бонева, која се јави за процедурална забелешка, а всушност сакаше да му одговари на Јани Макрадули.