При извршена контрола на подрачје на Охрид, од страна на полициски службеници и вработени од Управата за јавни приходи во 17 објекти биле регистрирани повеќе прекршоци.
Како што информираат од МВР ноќеска во период од 23 до 02 часот биле затекнати четири малолетни лица кои биле во угостителски локал по 24 часот, едно лице со лажен сертификат за извршена вакцинација и три лица без сертификати за извршена вакцинација.
Претставниците од УЈП, кај повеќе угостителски објекти, констатирале низа неправилности во готовински промет.
– По овие основи, против физичките и правните лица, ќе бидат поднесени соодветни пријави, соопштуваат од Министерството.
