Конститутивната седница која вчера после три месеци продолжи, се одложува за утре во 11 часот. На седницата повторно меѓусебно си дебатираат единствено пратенците од ВМРО-ДПМНЕ, со што не дозволуваат да се избере Комисијата за избори и именување и да се премине на четвртата точка, избор на претседател на Собранието.
Оливер Спасовски од СДСМ побара дебатата да се сведе на ниво на деловник затоа што сите досега го злоупотребувале и дека треба да се стави крај и да се избере Комисијата.
Собранието треба да работи за доброто на граѓаните, воспоставување ред на седницата значи почитување на граѓаните. Апелирам да се почитува деловникот, рече Спасовски.