На денешната седница на Судскиот совет беше констатирана оставката на Стојанче Рибарев кој ја извршуваше функцијата в.д. претседател на Кривичен суд.
Рибарев последните неколку денови не се појавувал на работа во Кривичниот суд бидејќи заминал на боледување. Ова се случува откако Специјалното јавно обвинителство го сослуша Рибарев за предистражната постапка дали бил злоупотребен АКМИС – системот за електронско распоредување на судските предмети.
По дадената оставка на 25.10 оваа година, Рибарев се враќа на старата функција судија во Врховен суд.
Судскиот совет на денеска одлучува за нов претседател на Кривичниот суд.
Виктор Јованов