Соработката меѓу Собранието и граѓанските организации, особено од аспект на законодавни иницијативи кои се однесуваат на различни човекови права, а се поттикнати од самите граѓани, е темата на денешната кнференција во организација на Фондацијата за демократија на Вестминстер.
Искуството во иницирање и барање промена во конкретни закони во изминатите две години ќе го пренесат претставници од Здружението за поддршка на лица со Вилсонова болест – Вилсон Македонија, Институтот за човекови права, Млади европски федералисти (ЏЕФ) и Здружението за промоција и развој на инклузивно општество – Инклузива кои бараа измени и дополнувања на различни закони, како и носење на нови.
На конференцијата предвидено е да се обратат и пратениците Ивана Туфегџиќ и Павле Богоевски, кои ќе дадат осврт на конкретните чекори кои Собранието ги превзема во насока на подобрување на соработката со граѓанските организаци.