Конференција „Нови знаења за нов развој“ во МАНУ

Во Македонската академија на науките и уметностите денеска ќе биде одржана научната конференција „Нови знаења за нов развој“.

Конференцијата заедно ја организираат МАНУ и Европскиот центар за мир и развој од Белград, а ќе учествуваат научни работници од Македонија и од странство.

На собирот ќе се расправа за влијанието на новите развојни трендови на глобално ниво, за улогата на новите знаења во развојот на Балканот и за потребите и можностите за соработка меѓу балканските земји во иницирањето заеднички проекти поврзани со развојот на инфраструктурата, научни и развојни истражувања.