Меѓународна научна конференција „Дипломатијата и депортацијата на Евреите од Македонија во 1943 година“ ќе се одржи денеска по повод Меѓународниот ден на сеќавањето на холокаустот и 70 години од ослободувањето на логорот Аушвиц.
Конференцијата, во организација на Институтот за национална историја, Меморијалниот центар на холокаустот на Евреите од Македонија и Дипломатскиот клуб – Скопје, ќе ја отвори министерот за надворешнни работи Никола Попоски, а за нејзиното значење ќе говори претседателот на Македонската академија на науките и уметностите Владо Камбовски.
Конференцијата има за цел да ги идентификува и да ги истражи односите меѓу државите и состојбите кои влијаеја на депортацијата на Евреите од Македонија и од другите земји.
Со свои реферати ќе учествуваат домашни и странски истражувачи и експерти на овој период од историјата.
Конференцијата е подржана и од Меѓународната алијанса за сеќавање на холокаустот од Берлин, во чии активности учествува и Република Македонија.