Коловозот на регионалниот патен правец Тетово-Јажинце кај с.Порој е исчистен и сообраќајот е целосно нормализиран за сите видови возила. Сепак, градежните работи на овој патен правец продолжуваат и се препорачува внимателно возење, прилагодена брзина кон условите на патот и почитување на поставената сообраќајна сигнализација, соопшти АМСМ.
Интензитетот на сообраќај на патните правци надвор од градските средини е зголемен. На граничните премини нема подолги задржувања за влез и за излез од државата.
Сообраќајот на сите државни патишта се одвива по суви коловози.