Сообраќајот на државните патишта се одвива тековно по претежно влажни коловози, при што снег со слаб интензитет провејува на планинските превои Попова Шапка, Маврово, Стража, Крушево, Буково и Ѓавато, додека во источниот дел на земјата и во Повардарието врне слаб дожд.
Како што информира „Македонијапат“ намалена видливост до 100 метри поради магла има на потегот од Тетово до село Гајре и на планинскиот превој Плетвар.
На одредени патни правци кои поминуваат низ клисури и усеци можна е појава на поситни одрони.
Дежурните екипи на „Македонијапат“ се постојано на терен и ги одржуваат сите патни правци проодни.