Посетивме околу 11.600 домови во Велес и околината и врз основа на Вашите предлози, барања и потреби ја напишавме програмата. Во секое наше решение, во секој наш проект се препознава вашиот удел, став и мислење, рече на денешната прес – конференција Аце Коцевски кандидат за градоначалник на Општина Велес од Коалицијата „Сојуз за иднината“, предводен на СДСМ.
Во изминатиот период, потенцира тој, настапивме со позитивна кампања, достоинствено, храбро, принципиелно и домаќински.
– Вашата чест и достоинство не се купуваат со пари и подароци. Сакам, најискрено, со длабока почит да Ви се заблагодарам што ни отворивте врата, што срдечно не примивте и што во најтешкото време ни дававте поддршка да продолжиме по вистинскиот пат, рече Коцевски.
Тој посочи дека заедно со неговиот тим и програма, нудат визија за промени во општината.
Ги повика граѓаните масовно да излезат да ја дадат неговата поддршка, за, како што рече, да покажеме дека заедно можеме уште повеќе да направиме.