Расфрлан песок на места претворен во бари, искршени и расфрлени лежалки, празни игралишта. Ништо не остана од на големо најавуваната Градската плажа. Освен звукот на жабите, и по некои деца кои облечени се бањаат под искршените тушеви, местото е пусто.
Нема, како што најавуваше градоначалникот Коце Трајановски целодневна забава на морски песок, вечерени настап на реномирани ди-џеи.
Уште пред седум години кога се отвораше „Коцекабана“, многумина предупредуваа дека 6,3 милиони денари се фрлени во ветер и дека не може да профункционира плажа на место каде не е дозволено капење.
Проектот “На чекор од тебе – Градска плажа Скопје” е уште еден во редицата бесмислени и промашени инвестиции на претходната власт.
