Градоначалникот на општина Аеродром Ивица Коневски на денешната-прес-конференција најави реконструкција на постојните паркиралишта во населба Острово, со вкупен капацитет од 150 нови паркинг-места.
– Станува збор за обнова на четири постојни паркиралишта меѓу зградите по должина на улица „Владимир Комаров“ со вкупна површина од околу 5 илјади квадратни метри, рече Коневски и додаде дека обновата ќе опфати замена на горниот асфалтен слој со нов, рече Коневски.
Реконструкцијата на четирите паркиралишта во оваа населба, како што истакна, се очекува да заврши до крајот на годинава, а средствата во висина од 11 милиони денари се обезбедени од буџетот на општина Аеродром.
Директорот на ЈП „Градски паркинг“ Борче Јакимовски изјави дека како и досега сите станари на општина Аеродром ќе бидат изземени од надомест за плаќање за прво, второ и трето возило.
Општина Аеродром досега има изградено 17 нови паркиралишта со над 2 илјади паркинг места.