Во Собранието на Република Македонија денеска седници ќе одржат три комисии.
На дневен ред на Комисијата за финансирање и буџет е Предлог – законот за изменување и дополнување на Законот за Централен регистар, во прво читање.
Комисијата за транспорт и екологија ќе расправа за Предлог-законот за просторно и урбанистичко планирање, предлог законите за изменување и дополнување на законите за постапување со бесправно изградени објекти и за домување, сите во прво читање, како и предлог законите за изменување и дополнување на законите за поштенските услуги и за градење во второ читање.
Собраниската Комисија за надзор над спроведувањето на посебната истражна мерка следење на комуникациите од страна на Министерството за внатрешни работи, Управата за финансиска полиција, Царинската управа и Министерството за одбрана денеска на седница ќе расправа за Предлог-деловникот за работа.
