Дали и денеска 15.000 евра, народни пари ќе отидат во ветер, или ќе профункционира законодавниот дом?
Вчера спикеро Вељаноски не успеа да собере дво-третинско мнозинство, за да се гласа законот од европската агенда, Законот за следење на комуникации.
СДСМ и коалициските партии и ДПА и НДП, цел ден беа во Законодавниот дом, тука беа и дел, но не и цела пратеничка група на ВМРО-ДПМНЕ и коалициските партнери. ДУИ продолжи со бојкотот и не влегува за гласање.
Опозицијата револтирано реагираше и праша какви се игрите и зошто спикерот, пред два дена кога имаше повеќе од 90 пратеници наместо да го стави на гласање Законпт за следење на комуникациите, ја прекина седницата.
„Крпа за бришење под го направивте Собранието, дрско, мизерно и безобразно, Цела СДСМ е тука, тука се и коалициските опозициски партнери, тука се и ДПА и НДП. Каде се вашите пратеници, кај се пратениците кои ве седнаа во тоа столче, кои ја изгласа Владата? И тие ли се кријат како вас. До каде ќе оди уништувањето? Не знаете да го водите Собранието.Уште еден ден од драмолетката сакате да купите.Сакам јавноста да види дека за вас законот не вреди пет пари, за вас вредат само фотељите.На пазар нема ваков пазар“, реагираше Игор Ивановски и побара точно да се каже колку пратеници од власта а колку од опозицијата има во салата.
Треба да продолжи и седницата на Комисијата за труд и социјална политика, на чиј дневен ред е Предлог-законот за посебните права на припадниците на безбедносните сили и на членовите на нивните семејства. Расправата по овој Предлог-закон, членовите на Комисијата ја започнаа минатата недела а и денеска продолжува дискусијата на Талат Џафери од ДУИ.