Поголема поддршка за спортот и спортистите во општина Кавадраци, најави кандидатот за градоначалник на СДСМ и коалицијата Сојуз за иднината, Бетиан Китев.
– Еден од моите приоритети ќе биде враќањето на сјајот на спортот во Кавадарци. Колективните спортови како фудбалот, кошарката, ракометот, целосно ќе бидат ставени под општинска закрила. На тој начин преку давањето на шанса на докажаните спортисти во поодделни области, а со директна финансиска помош од општината, клубовите ќе го вратат стариот сјај, изјави Китев на денешната прес-конференција.
Најави повеќекратно зголемување на буџетот на Сојузот на спортови и помош на младински школи од екипните и поединечните спортови.
– Сето тоа со една единствена цел, да го поттикнеме и откриеме секој млад спортски талент, но и да ги одалечиме младите од денешните пороци, рече Китев.