Кандидатот за лидер на СДСМ, Кире Наумов, ја стави на увид на членовите на СДСМ и на јавноста својата концепт програма со наслов ПРОМЕНА ЗА ПРОМЕНИ.
„Ова е концепт програма, врз основа на која после втори јуни, во соработка со членовите на СДСМ и нејзините подржувачи, како и граѓаните на РМакедонија, ќе се изработи поконкретна, подетална работна програма, врз која ќе се базира работењето и делувањето на Социјалдемократскиот сојуз на Македонија во наредниот период. Досега сите програми на СДСМ биле добро конципирани, но секогаш проблемот останувал во нивното спроведување и реализирање. Затоа концепт програмата е заснована пред се на прагматичност, а многу помалку на теоретски размислувања, со нови идеи присутни во европската социјалдемократија, адаптирана на предизвиците кои ги носи македонската реалност и XXI век. Концепт програмата може да се прочита на веб страната www.promenazapromeni.info. Отворена е за сите сугестии, препораки, мислења и критики3, се вели во соопштението.