Кипарската министерка за надворешни работи, Ерато Козаку-Маркулис чија земја во моментов претседава со Европската Унија, не сака да го прогнозира исходот од состанокот на Советот за општи работи на ЕУ на 11 декември, на кој ќе се решава за препораката на Европската комисија за отворање пристапни преговори со Република Македонија и решавање на прашањето за името во нивната рана фаза.
Во интервјуто за утрешното издание на магазинот „Граѓански“, дадено во пресрет на нејзината посета на Скопје в понеделник, Козаку-Маркулис вели дека „секој што се занимавал со прашањата за проширувањето може да потврди дека ова портфолио не може лесно да се предвиди во поглед на заклучоците“.