6-годишната Александра Бошњаковска конечно е во прегратката на својата мајка Татјана. Полицијата успеа да го пронајде девојчето во околината на Маврово со бабата Снежана.
Откако вчера МВР ги приведе дедото на Александра, пензионираниот врховен судија, Александар Бошњаковски, и неговиот син Мартин, истражен судија му одреди 30-дневен притвор на судијата.
Покрај тоа, полицијата поднесе четири кривични пријави против другиот син, Стефан, таткото на Александра и сопругата на судијата, Снежана, кои се осомничени за две кривични дела поврзани со малолетната внука – одземање малолетник и запуштање и малтретирање на малолетно лице.
Пред две години, семејството Бошњаковски насилно ја одземало Александра, и оттогаш мајката немала никаков контакт со неа, иако со судска извршна пресуда е одлучено старателството да и припадне на Татјана Бошњаковска.
