Во Кичево деновиве на улиците се поставува нова хоризонтална сигнализцаија. Работниците од компанијата што ги изведува работите без прекин ги освежуваат пешачките премини и сите неопходни хоризонтални знаци, за непречено одвивање на сообраќајот.
Овој зафат е дел од програмата на општина Кичево за 2018 година и е финансиран од локалниот буџет. Општинарите се задоволни што навремено ќе биде завршен овој зафат пред шпицот на сезоната, кога во градот бројот на патнички мотони возила и тројно ќе се зголеми.
– Како и претходните две години, така и годинава во оптимален период вршиме поставување нова хоризонтална сигнализација на сите сообраќајници во градот. Хоризонталната сигнализација го олеснува одвивањето на сообраќајот, а од друга страна ја зголемува безбедноста на пешаците. Очекуваме во наредните десетина дена градот во целост да добие нова хоризонтална сигнализација, вели Емин Насуфи од општина Кичево.