Општина Кичево деновиве интензивно работи на поставување нова хоризонтална сообраќајна сигнализација на сите главни улици во градското подрачје.
Хоризонталната сигнализација ја поставува ЈП „Комуналец“, а приоритет е обележувањето на улиците пред училиштата во градот, бидеќи со почетокот на новата учебна година безбедноста на учениците е во преден план.
– Активностите за обележување на улиците со бели линии, ќе продолжуваат непрекинато со цел да се постави сигнализација на сите патни правци, вели директорот на ЈП „Комуналец“ Зенел Јонузи.
Поставувањето на хоризонталната собраќајна сигнализација се реализира со финансиска поддршка од општина Кичево.