Претседателот на Демократската партија на Турците-ДПТ Кенан Хасипи, како дел од коалицијата „За подобра Македонија“, денеска се сретна со кандидатите за градоначалник на општините Битола и Могила, Владимир Талески и Славко Велевски и јавно ги поддржа во пресрет на вториот круг од локалните избори.
На средбата со новинарите, претседателот на ДПТ, Хасипи посочи дека освен со кандидатите за градоначалник на Битола и Могила, се сретнал и со своите членови, симпатизери и поддржувачи на кои им нагласил дека треба да дадат масовна поддршка за победа на Владимир Талески и Славко Велевски во вториот круг.
– Сакам да упатам силна порака да се поддржат кандидатите за градоначлници од ВМРО-ДПМНЕ и коалицијата „За подобра Македонија“. Убеден сум дека во вториот круг членовите на ДПТ и турската заедница во Битола, повторно и уште посилно ќе застанат зад Талески во Битола и за Велевски во општина Могила, посочи Хасипи.