Изречени се казни за 237 возачи на мотоцикли, на територија на целата држава, информираат од Министерството за внатрешни работи.
„Во периодот од 03.05 до 08.05 спроведена е зајакната акциска контрола на територијата целата држава за санкционирање на прекршоци што ги прават возачите на мотоцикли, при што санкционирани се 237 возачи. Од нив дури 142 возачи не користеле заштитна кацига за време на возење, 53 возеле без возачка дозвола, 16 возеле со изминат рок на важност на сообраќајната дозвола, двајца возеле под дејство на алкохол при што од сообраќај се исклучени 42 возачи. Санкционирани се и други прекршоци.
Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, велат од МВР.