Катица Јанева два часа порано е донесена во Кривичниот суд, каде треба да се одржи ново рочиште за „Рекет“. Полицајците ја спроведоа во 10 часот, но судското обезбедување ја врати назад, бидејќи рочиштето е закажано од 12 часот.
На денешното рочиште треба да сведочи екс-вработен во „1ТВ“, Христијан Баневски и поранешниот маркетинг директор на „Оне“, Виктор Доневски.
Основното јавно обвинителство за гонење организиран криминал и корупција во октомври годинава поднесе обвинение против Бојан Јовановски, Катица Јанева и Зоран Милевски.
Првообвинетиот Јовановски се сомничи дека сторил кривично дело „перење пари и други приноси од казниво дело“, а Јанева и Милевски за „примање награда за противзаконито влијание“.
Второобвинетата Јанева се товари и дека сторила и кривично дело „злоупотреба на службена положба и овластување“.
На првото рочиште за „Рекет“, што се одржа на 3-ти овој месец, третообвинетиот Зоран Милевски-Кичеец призна вина, по што беше осуден на три години затвор.