При посетата на косовскиот премиер Албин Курти на Тетово, тетовскиот градоначалник Билал Касами го претстави македонскиот град со кој раководи како „албански главен град во Северна Македонија“ во својата објава на Фејсбук.
Тој на својот фејсбук профил напиша: „Драг пријателе Албин, добредојдовте во Тетово, албанскиот главен град на Северна Македонија!“.
Ова е втор пат Касами да го „крсти“ Тетово во албански главен град на Македонија.
Пред три недели истиот негов став го напиша при посетата на Тетово на делегацијата од градоначалници Албанци од Косово и од Србија.