Десетина кандидати за градоначалници од Куманово, во Ценарот за култура потпишаа Кодекс на однесување за слободни и фер локални избори.
Канидатот од ВМРО – ДПМНЕ, Зоран Ѓорѓиевски нагласи дека кодексот е во интерес на развојот на демократијата и сликата што ќе ја имаат соседите и ЕУ за нас.
-Не се само ВМРО – ДПМНЕ и СДСМ. Ние сме мала партија, но имаме големи идеи за овој град. Сметам дека тие идеи треба да ги пласираме пред граѓаните, а тие да гласаат за оние со најдобрите идеи – изјави кандидатот од Српската напредна партија, Предраг Божичковиќ.
Градоначалникот Зоран Дамјановски нагласи дека доколку продолжи изборниот циклус, како што почна на сите им е јасно дека нема да има фер избори.
-Фер избори не е само пуштање на ливче во избирачка кутија, туку тоа се целиот избирачки процес и цела кампања. Ако погледате на сите национални медиуми, 95 проеценти е застапена една политичка опција и антипропаганда на сите други опции. Им порачувам на моите противници, на никого не сум упатил навреда, да се натпреваруваме со идеи и проекти, а не со лични дискредитации – изјави Дамјановски.
Организатори на првиот ваков кодекс се Институтот за парламентрана демократија и Националниот демократски институт за меѓународни односи.
Елена Георгиевска