На улиците „Вељко Влаховиќ“ и „Никола Карев“ во Стар Дојран во тек се активности за изградба на канализациски крак кој ќе им овозможи на жителите да се приклучат во канализацикиот систем.
Градежните активности, посочија од општината, се дел од проектот финансиран од Центарот за развој на Југоисточниот плански регион за чија целосна реализација ќе бидат потрошени шест милиони денари.
Од општината велат дека со завршувањето на активностите за изградба на канализациски крак конечно ќе се оствари долгогодишното ветување за создавање на подобри и поквалитетни услови за живот на жителите од овие улици.